Real Madridi ka shënuar fitoren e dytë radhazi dhe të 20-tën këtë edicion në La Liga.
“Los Blancos” triumfuan pastër 2:0 në shtëpi ndaj Celta Vigos në kuadër të javës së 30-të në elitën e futbollit spanjoll.
Marco Asensio realizoi në minutën e 42-të për ta kaluar në avantazh Real Madridin.
Për 2:0 u përkujdes Eder Militao që shënoi në minutën e 48-të të ndeshjes.
Me këtë fitore, Real Madridi tani shkon në kuotën e 65 pikëve në vendin e dytë, tetë më pak se Barcelona që nesër luan me Atletico Madridin.
Në anën tjetër, Celta Vigo gjendet e 12-ta në renditjen tabelare me 36 pikë të grumbulluara pas 30 përballjeve.