Real Madridi ka fituar 4:1 ndaj Villarrealit dhe ka dalë në vendin e parë në La Liga.
Reali tani udhëheq me 42 pikë nga 17 ndeshje. Girona është e dyta me 41 pikë, ndërsa ndeshjen e xhiros së 17-të e luan të hënën mbrëma ndaj Alavesit. Barcelona është e treta me 35 pikë nga 17 ndeshje. Jude Bellingham shënoi golin e parë për madrilenët të dielën mbrëma.
Ai realizoi për 1:0 në minutën e 25-të. Rodrygo shënoi golin e dytë në minutën e 37-të, ndërsa për 2:1 realizoi Jose Luis Morales në minutën e 54-t. Por kjo ishte e tëra nga mysafirët. Për 3:1 në të mirë të Real Madridit shënoi Brahim Diaz në minutën e 64-t.
Katër minuta më pas Luka Modriq vendosi rezultatin përfundimtar, 4:1.