Disa nga klubet më të mëdha evropiane kanë përsëritur qëndrimin kundër një Superlige të re evropiane, pasi grupi i mbetur konfirmoi planet për ringjalljen e garës.
Superliga u ringjall të enjten pasi Gjykata e Lartë e Bashkimit Evropian vendosi që UEFA dhe FIFA kundërshtuan Ligjin e konkurrencës duke bllokuar projektin e shkëputur. Vendimi u vlerësua nga Real Madridi, i cili, së bashku me Barcelonën, po udhëheq luftën për të formuar një garë rivale me Ligën e Kampionëve.
Por të menjëhershme e të ashpra kanë qenë disa prej klubeve që kanë dalë haptas, sërish, kundër garës.
Manchester Unitedi, Bayerni, Atletico Madridi, Borussia Dortmundi, Roma, PSG-ja, Interi, Manchester City, Tottenhami dhe vetë Premier League, kanë dalë publikisht kundër. Të vetmet klube nga top-6 e Premier Leagues që ende s’kanë dalë me qëndrim janë Arsenali dhe Liverpooli.