Erling Haaland ka arritur në shifrën e 30 golave në Ligën e Kampionëve. Dhe ka vendosur disa rekorde po ashtu.
Norvegjezi e mban rekordin për shënimin e 30 golave në më së paku ndeshje. Këtë shifër e ka arritur në 25 ndeshjet e para në Champions. Ruud Van Nisterlooy i shënoi 30 gola në 34 ndeshje, ndërsa Robert Lewandowski në 46 ndeshje. Pasojnë Lionel Messi me 30 gola në 48 ndeshjet e para në Champions e pas tij është Neymari që 30 gola i shënoi pasi luajti ndeshjen e 49-të në Ligën e Kampionëve.
Po ashtu Haalandi është më i riu që shënon 30 gola në Champions. Këtë shifër e ka arritur me 22 vjet e 236 ditë. Kylian Mbappe ka shënuar 30 gola kur kishte 22 vjet e 352 ditë, ndërsa Lionel Messi me 23 vjet e 131 ditë. Pasojnë Raul Golzalez me 24 vjet e 91 ditë dhe Karim Benzema me 25 vjet e 105 ditë.