Vetëm PSG dhe Nice kanë mbetur për të shpëtuar ‘ushtarin francez’ në Kupat e Evropës. Pas fiaskos së kësaj të enjteje të zezë për futbollin francez, ku u eliminua Nantes (kundër Juventus), pastaj Monaco (me penallti kundër Bayer Leverkusen) dhe në fund Rennes (po me penallti kundër Shakhtar Donetsk), Franca është në rrezik të madh.
E pesta në këtë renditje kontinentale, Franca është më shumë se kurrë nën kërcënim nga Holanda dhe Portugalia. Vendi i pestë, i cili është i rëndësishëm në funksion të versionit të ri të Champions League, i cili do të hyjë në fuqi gjatë sezonit 2024-2025.
Në të vërtetë, e 5-ta e këtij indeksi do të mund të prezantojë tre skuadra direkt në fazën e grupeve, ndërsa e 6-ta do të ketë vetëm dy, me një ekip të tretë, që do të duhet të kalojë në raundet kualifikuese. Dhe të mos flasim për të 7-tën, që do të ketë vetëm një të kualifikuar.
Pas ndeshjeve të së enjtes, francezët kanë një total prej 60.331 pikësh, me vetëm 3.031 pikë përpara holandezëve dhe 5.615 ndaj portugezëve. Një epërsi që mund të ulet më tej, pasi Portugalia ka ende tre skuadra përfaqësuese të kualifikuara, me Benfikën dhe Porton në Champions League dhe Sportingun në Europa League. Nga këto pesë skuadra të pranuara, Holanda ka ende dy me Feyenoord në Europa League dhe AZ Alkmaar në Conference League.
Me pak fjalë, në rast të eliminimit të PSG-së ndaj Bayern Munichut, më 8 mars nga 1/16 e Champions League dhe një dalje nga rruga nga Nice në Conference League, Franca do ta gjente veten në një situatë shumë të pakëndshme.