Në Argjentinë nuk flasin për asgjë tjetër. Fundi i marrëdhënies mes Wanda Narës dhe Mauro Icardit nga njëra anë; si dhe lidhja e supozuar mes showgirl-it dhe reperit L-Gante vazhdon të ndezë revistat dhe emisionet televizive. Këngëtari 22-vjeçar ishte i ftuar në programin “Lam” dhe pyetjeve të prezantuesit për marrëdhënien me ish-partneren e Mauro Icardit i është përgjigjur:
“Nuk e njihnim njëri-tjetrin, gjithçka filloi kur ajo përmendi një nga këngët e mia, mendoj se kam shkruar edhe në rrjetet sociale. Pastaj u takuam disa ditë me radhë”. Kur u pyet nëse ka ndodhur diçka mes tyre, L-Gante u përgjigj me siklet: “E gjitha është shumë e qetë. I peshoj fjalët sepse nuk dua të më dalë asgjë.
Nuk dua të them diçka që mund të prishë gjithçka dhe bie në ndonjë kurth. E di që të gjithë duan përgjigje, por lëreni këtë histori të vazhdojë, do t’ju tregoj gjithçka më vonë. Koha ju çon tek njerëzit që ju duan”. Për këdo që insinuon se e gjithë historia është një mashtrim, ai shton: “Kam lexuar se shumë njerëz mendojnë se ne thjesht po bëjmë marketing. Është diçka që nuk e kam bërë kurrë në jetën dhe karrierën time”.
Më pas reperi iu përgjigj pyetjeve në lidhje me Mauro Icardin dhe mesazhin e supozuar të marrë nga ish-partneri i Wanda Narës: “Nëse më ka shkruar ndonjëherë? Jo, ose më saktë mendoj se më ka dërguar një mesazh, por nuk mund t’ju them se çfarë shkruhej në të, sepse u anulua menjëherë”.