Liga e Kampionëve rikthehet sërish për të luajtur ndeshjet e kthimit në fazën e 1/8-ave, me katër skuadra që zbresin në fushë mbrëmjen e sotme.
Në orën 21:00, Çelsi pret në “Stamford Bridge” Dortmundin. Anglezët kërkojnë përmbysjen në shtëpi përballë gjermanëve, por forma e këtyre të fundit e bën akoma dhe më të vështirë misionin për “Blutë”.
Po në këtë orë, Benfika pret në Lisbon Klub Bryzhin. Portugezët duken favoritë për të kaluar në fazën tjetër pas fitores 0-2 në transfertë ndeshjen e parë, por kampionët e Belgjikës do të bëjnë çmos për të surprizuar rivalët.