Cristiano Ronaldo ka arritur në terrenin stërvitor të Manchester United, të martën në mëngjes, për të biseduar me Erik ten Hag për të ardhmen e tij në klub.
37-vjeçari u fotografua duke ardhur në Carrington me pjesën tjetër të skuadrës së parë përpara takimit me Ten Hag, për herë të parë, që kur u largua nga skuadra në fundjavë.
Manchester Evening Neës raportoi të hënën se Ten Hag ishte i vendosur të zhvillonte bisedime ballë për ballë me Ronaldon të martën përpara se të mirëpresë potencialisht sulmuesin në stërvitjen e ekipit të parë.
Merret vesh se trajneri i United është i prirur të gjejë gjuhën e përbashkët me sulmuesin dhe beson se ai ka ende një rol për të luajtur në skuadrën e tij.
Ronaldo mungoi në barazimin e Unitedit 1-1 me Chelsean në fundjavë, pasi iu tha se nuk do të ishte në skuadër si ndëshkim për refuzimin e hyrjes si zëvendësues kundër Tottenhamit javën e kaluar.