Futbollistët e Al-Nasr Riyadh u renditën në mesin e tetë më të mirëve në Ligën e Kampionëve të Azisë, pasi mposhtën Al-Feiha, me rezultatin e pastër 2-0 në ndeshjen e 1/16-tës.
Skuadra vendase kishte shumë më tepër nga loja dhe me meritë arriti triumfin dhe sërish në listën e golashënuesve u fut Cristiano Ronaldo duke shënuar golin e 27-të të sezonit. Superylli portugez e vulosi fitoren me golin në minutën e 86-të, ndërsa në pjesën e parë rrjetën e mysafirëve e tundi bashkëkombasi i tij Otavio.
Për Al-Nasr kjo ishte fitorja e tretë radhazi dhe në çerekfinale do të përballet me skuadrën Al-Ain nga Emiratet e Bashkuara Arabe. Ndeshja e parë është caktuar për 3 mars, ndërsa ndeshja e dytë do të luhet tetë ditë më vonë.