Cristiano Ronaldo nuk ka arritur që ta fitojë trofeun e parë të sezonit, pasi me Al Nassrin u mposhtën thellë 4:1 nga Al Hilali të shtunën, në ndeshjen e Superkupës së Arabisë Saudite.
Ronaldo, që po luan në sezonin e tretë në elitën e futbollit arab, e kaloi skuadrën e tij në epërsi në fundin e pjesës së parë.
39-vjeçari realizoi nga afërsia për 1:0.
Më pas, skuadra e tij pranoi katër gola, kurse Al Hilali e ngriti lartë trofeun e Superkupës.
Për Al Hilalin është triumfi i dytë rresht në Superkupë dhe i pesti në histori të klubit. Mbetet skuadra më e suksesshme në këtë garë, me tre trofe më shumë se Al Nassr.
Ronaldo dhe Al Nassr ishin mposhtur edhe në kampionat nga Al Hilali kampion, si dhe në Kupën e Mbretit, në edicionin e kaluar.
Sezoni i ri në Arabinë Saudite nis të enjten. Al Nassr do të jetë nikoqir i Al Raedit.
Për Al Hilalin është trofeu i 70-të zyrtar dhe mbetet skuadra më e dekoruar në Azi.