Ballina-1

    Ronaldo shënon golin e parë në Ligën e Kampionëve të Azisë, Al-Nassr regjistron fitoren e radhës

    Al-Nassr ka regjistruar fitoren e dytë radhazi në Ligën e Kampionëve të Azisë, si dhe të dhjetën radhazi në të gjitha garat.

    Edhe Cristiano Ronaldo po vazhdon me formën e lartë, teksa edhe sonte la gjurmë në fitoren ndaj skuadrës nga Taxhikistani, Istiqlol Dushanbe.

    Ndeshja e zhvilluar në stadiumin “Al-Awwal Park” përfundoi me rezultatin 3:1, me skuadrën saudite që triumfoi me përmbysje.

    Ronaldo ishte autor i golit të parë në këtë përballje. (66’). Për yllin portugez ishte ky goli i tij i parë në këtë garë.

    Dy golat tjerë u shënuan nga Anderson Talisca (72’, 77’).

    Për skuadrën mysafire golin e vetëm e shënoi Senin Sebai (44’).

    Al-Nassr tani ka gjashtë pikë dhe prin në Grupin E. /Gazeta Express/