Ronaldo ‘tërbohet’ dhe del nga fusha me nerva, Al Nassr humbet në derbi dhe zbret nga vendi i parë

Al Ittihad fitoi 1-0 me Al Nassr në derbin e Arabisë Saudite në futboll. Për javën e 20-të të kampionatit, skuadra e Cristiano Ronaldos humbi minimalisht në transfertë, duke lënë edhe kreun e klasifikimit.

Një gol nga Romarinho në minutën e 80-të vendosi ndeshjen, teksa Ronaldo s’i ka mbajtur nervat. Me fërshëllimën e trefishtë të arbitrit, CR7 është parë nervoz në hyrje të dhomave të zhveshjes, duke ia nxjerrë inatin shisheve të ujit.

Al Ittihad me 47 pikë mban vendin e parë, teksa Al Nassr me 46 pikë ndodhet në vendin e dytë. Tanimë mediet kanë nisur me kritikat për Ronaldon, që ishte në krye të sulmit për të tijtë.