Napoli ka shënuar fitore të thellë në udhëtim te Ajaxi, në kuadër të Grupit A në Ligën e Kampionëve.
Skuadra italiane fitoi 1:6 në stadiumin “Johan Cruijff Arena” në Amsterdam, shkruan Demokracia.com.
Raspadori me dy gola (18’ 47’), Di Lorenzo (33’), Zielinski (45’), Kvaratskhelia (63’) dhe Simeone (81’) ishin golashënuesit për Napolin.
Golin e vetëm për Ajaxin e realizoi Kudus në minutën e nëntë të përballjes.
Mbrojtësi dhe kapiteni i Kombëtares së Kosovës, Amir Rrahmani është aktivizuar për 90 minuta për Napolin në këtë ballafaqim.
Napoli është në vendin e parë me nëntë pikë, kurse Ajaxi është i treti me vetëm tri pikë gjithsej.