Kosova vazhdon të nxjerrë në sipërfaqe shumë talente, ndërsa njëri ndër ta është edhe 18-vjeçari, Rron Sylejmani që po mahnitë me shkathtësitë e tij.
Ai këtë vite ishte pjesë e kategorisë së dytë në futbollin kosovar te Kosova VR, ku pati një përformancë shumë të mirë e nga e cila ka bërë që shumë klube të nivelit të lartë të interesohen për të.
Sulmuesi qendror dhe i krahut ka aftësi të jashtëzakonshme, derisa ka lënë gjurmë të mëdha në Ligën e Dytë të Kosovës për sezonin 2024/25. Me 8 gola dhe 12 asistime gjatë sezonit të fundit, Rroni ka qenë një faktor kyç në performancën e shkëlqyer të Kosova VR, duke ndihmuar ekipin të arrijë rezultate të lakmueshme.
Shkathtësia e tij, shpejtësia shpërthyese dhe vizioni i jashtëzakonshëm në fushë e kanë bërë atë një nga talentet premtues të futbollit tonë. I vlerësuar lart nga ekspertë të futbollit brenda dhe jashtë vendit, Rroni ka tërhequr interesin e një numri të madh klubesh nga Liga e Parë dhe Superliga e Kosovës, të cilët janë në garë për të siguruar shërbimet e tij.
