Futbollisti i Luzernit, Donat Rrudhani, ka bindjen se Kosova do të paraqitet në Ligën B të Ligës së Kombeve në edicionin e ardhshëm. Ai thotë se Kosova synon fitore në dy ndeshjet kundër islandezëve.
Ndeshja e parë Kosova – Islanda luhet të enjten në Prishtinë, kurse e kthimit më 23 mars në Murcia të Spanjës.
“Stërvitja ishte mjaft e mirë, punuam në aspektin taktik. E kemi analizuar Islandën dhe dimë pikët e forta dhe dobëta, dhe shpresojmë t’i shfrytëzojmë maksimalisht. Shpresojmë t’ia arrijmë qëllimit, pasi për këtë edhe jemi këtu. Shpresojmë të fitojmë dhe të kalojmë në Ligën B. Besoj se çdo lojtar do ta jap maksimumin dhe shpresoj t’i fitojmë të dyja ndeshjet. Paraqitja në Prishtinë është motiv shtesë për ne. Është ndjenjë e mirë të luajmë para shikuesve tanë. Edhe ‘Dardanët’ janë gjithnjë motiv shumë i madh për ne. Do të jetë avantazh i madh për ne”, ka thënë Rrudhani për Federatën e Futbollit të Kosovës.