Rrugëtimi përrallor i Kombëtares së Marokut në Kupën e Botës përfundoi mbrëmë në gjysmëfinale nga Franca e Didier Deschamps.
Maroku u mposht 2:0 nga kampionët në fuqi të botës të cilët kaluan në finale për herë të dytë rresht.
Kombëtarja marokene në këtë Kampionat Botëror shënoi një sukses që nuk është regjistruar më parë nga reprezentacion afrikan.
Arritja në gjysmëfinale ishte suksesi më i madh historik i një shteti afrikan, andaj marokenët me këtë të arritur fituan shumë respekt nga futbolldashësit gjithandej.
E natyrisht, eliminimi në gjysmëfinale sa krenari, u përcoll edhe me dhimbje dhe zhgënjim nga tifozët marokenë.
Agjencia e lajmeve “Reuters” ka publikuar pamje nga Maroku ku shihen shumë tifozë marokenë mes lotësh dhe të dëshpëruar nga disfata.
