Qendërsulmuesi Mirlind Daku ka realizuar gol në minutën e 91-të për t’ia siguruar fitoren skuadrës së Rubin Kazanit.
Rubin Kazani të dielën mbrëma e mposhti në shtëpi skuadrën FK Rostov me rezultatin 1:0.
Kjo ndeshje i takoi javës së 28-të të elitës së futbollit rus.
Daku krejt në fund të ndeshjes e realizoi golin e fitores për vendësit.
Ai e kompletoi ndeshjen. Dardan Shabanhaxhaj luajti deri në minutën e 94-t kurse Veldin Hoxha u paraqit deri në minutën e 84-t.
Reprezentuesi i Shqipërisë, Daku, në 27 ndeshjet e zhvilluara ka 12 gola dhe tetë asistime.
Rubin Kazani ka 42 pikë dhe e zë vendin e shtatë. Një pozitë më poshtë është skuadra FK Rostov me katër pikë më pak.