Tifozët e kanë përgëzuar ekipin e Rumanisë për mënyrën se si e lanë dhomën e zhveshjes, pas eliminimit nga “Euro 2024”.
Rumania u mposht thellë nga Holanda të martën mbrëma, 3:0.
Ndeshja i takoi fazës së një të tetës së finales së Evropianit që po zhvillohet në Gjermani.
Për Rumaninë ishte paraqitja më e mirë në turneun kontinental në 24 vjet, pasi nuk e kishin arritur fazën nokaut të ndonjë turneu madhor, qëkur ishin kualifikuar në çerekfinale të Evropianit 2000.
Fotografitë e dhomës së zhveshjes së Rumanisë janë bërë virale, dhe një gjë e tillë është përshëndetur nga adhuruesit e futbollit.
Ekipi përfaqësues i Rumanisë dha edhe një letër për organizatorët e turneut.
“Çdo ndeshje, çdo emocion, çdo eksperiencë na ka bërë bashkë dhe na ka bërë ta ndiejmë magjinë e futbollit. Largohemi nga Gjermania duke lënë gjithçka për Rumaninë dhe jemi mirënjohës për çdo gjë që kemi përjetuar në javët që i kemi kaluar këtu. Ishte kënaqësi të ishim pjesë e familjes së madhe evropiane të futbollit. Përfaqësuesja e Futbollit e Rumanisë”, kanë shkruar rumunët.