Laura Fazliu i ka siguruar Kosovës medaljen e dytë olimpike, pas Distria Krasniqit që fitoi të argjendtën.
Xhudistja nga Mitrovica ia doli të mposhte kanadezen Catherine Beauchemin-Pinard në kategorinë deri në 63 kilogramë, për të rrëmbyer të bronztën.
Ishte një rrugëtim plotë sfida për Laurën, por që në fund u shpërblye për të gjithë mundin.
Por, shpërblimet për Fazliun nuk ndalen me kaq, pasi me këtë sukses pason edhe një shumë monetare.
Shteti i Kosovës, është vendi që shpërblen më së shumti në rajon sportistët që sjellin medalje nga Lojërat Olimpike.
Medalja e artë nga Lojërat Olimpike shpërblehet me një shumë prej 100 mijë eurosh, e argjendta 60 mijë, si dhe e bronzta 40 mijë euro.
Si fituese e medaljes së bronztë në “Paris 2024”, Laura Fazliu i takojnë 40 mijë euro.
Trajnerët marrin gjysmën e shumës që fitojnë sportistët kësaj radhe 20 mijë euro.