Ashtu si pritej, Mohamed Salah është lënë jashtë skuadrës së Liverpoolit për ndeshjen e Ligës së Kampionëve ndaj Interit.
Klubi ka vendosur ta largojë egjiptianin nga përzgjedhja për periudhë të shkurtër, pasi ai dha intervistë “shpërthyese” të shtunën, duke thënë se “është hedhur nën autobus” nga klubi dhe se raportet e tij me trajnerin Arne Slot janë prishur.
Sipas BBC, vendimi u mor me përkrahje të plotë nga Sloti dhe vlerësohet se është në të mirë të të gjitha palëve. Salah do të qëndrojë për pak kohe larg ekipit, për shkak të natyrës dhe kohës kur bëri komentet publike.
Nuk do të ketë ndonjë inicim disiplinor nga klubi.
Salah për kohë të gjatë ishte prej lojtarëve kryesorë të Liverpoolit. Por së fundi ka humbur vendin e startuesit. Ai ishte në stërvitjen e së hënës me skuadrën.
33-vjeçari të hënën e ardhshme udhëton për në Kupën e Afrikës, ndërsa pritet të mungojë edhe në ndeshjen e së shtunës ndaj Brightonit.
Ndeshja Inter – Liverpool zhvillohet të martën mbrëma.