Futbollistët e Egjiptit në raundin e parë të kualifikimeve të Grupit A për Kupën e Botës në Kajro e mposhtën Djiboutin në shtëpi me rezultat 6:0.
Më meritori në këtë fitore të thellë ishte Mohamed Salah, i cili shënoi katër gola dhe u bë golashënuesi më i mirë i Egjiptit në historinë e kualifikueset.
Salah tani ka regjistruar 15 gola, duke kaluar Mohamed Aboutrika, i cili mbante rekordin me 14 gola, përcjell lajmi.net.
Egjiptianët e justifikuan titullin e favoritit të madh në minutën e 22-të, kur kaluan në avantazh të dyfishtë 2:0, me të dy golat e shënuar nga lojtari i Liverpoolit.
E para në minutën e 17-të pas një asistimi të bukur nga Mohamed, dhe e dyta pesë minuta më vonë nga penalltia. Salah e përfundoi hat-trickun në minutën e 48-të, ndërsa në të 69-tën minutë shënoi 4:0 pas një tjetër aksioni të mirë të Egjiptit.
Katër minuta më vonë, Mostafa Mohamed shënoi golin e pestë për egjiptianët, dhe epilogun përfundimtar 6:0 e vendosi Trezeguet një minutë para përfundimit të ndeshjes.
Fituesit e grupeve nga kualifikueset afrikane do të kalojnë në Kupën e Botës 2026./Lajmi.net/