Taulant Seferi ka shënuar tjetër gol në elitën e futbollit të Ukrainës për skuadrën e Vorskla Poltavas.
Vorskla të dielën fitoi në udhëtim te Lvivi me rezultatin 2:0, në ndeshjen e xhiros së 26-të. Seferi iu gëzua golit tjetër personal të epërsisë 1:0 në minutën e 56-të. Ai realizoi nga penalltia.
Për Seferin ishte goli i 12-të i këtij edicioni në elitën ukrainase të futbollit, ndërsa e kompletoi një tjetër ndeshje. Vorskla ka 33 pikë në mesin e tabelës.