“Shokues” e ka vlerësuar mediumi serb “Blic” kërkesën e FFK-së për të marrë nga FIFA dhe organizatori i Botërorit njërin prej stadiumeve ku po luhen ndeshjet e Kupës së Botës.
“Shok – kanë paditur Serbinë në FIFA, ndërsa tani kanë kërkesë tjetër: Nga Kosova kërkojnë që t’iu dhurohet stadiumi ku do të luajnë ‘shqiponjat’”, ka shkruar gazeta beogradase Blic. “Shqiponjat” serbët e quajnë përfaqësuesen e tyre, shkruan Koha, transmeton GazetaSport.info.
FFK-ja disa herë e ka përmendur mundësinë që të marrë stadiumin e Katarit “974”, që është objekt i përkohshëm. Ky stadium është ndërtuar nga 974 kontejnerë transporti, të ricikluar. Pas Botërorit, ky stadium do të çmontohet dhe sipas FFK-së ka gjasë të përfundojë në Kosovë.
Por, kjo po i pengon gazetarët serbë.
Të shtunën, FIFA hapi procedurë disiplinore ndaj Federatës serbe për shfaqjen e një flamuri diskriminues ndaj Kosovës në zhveshtoren e serbëve, para ndeshjes me Brazilin.