Barcelona u rikthye te fitorja në La Liga, teksa mposhti mes vuajtjesh 3-2 Almerian e vendit të fundit, në duelin e vlefshëm për javën e 18-të të kampionatit.
Serinë e golave e hapi Rafinja në minutën e 33-të, ndërkohë që miqtë gjetën baraspeshën në minutën e 41-të me anë të Leo Baptistaos. Pjesa e parë e parë u mbyll me shifrat e barabarta 1-1.
Ndërkohë në fragmentin e dytë të lojës skenën e rrëmbeu Sergio Roberto i cili u shndërrua në “bomberin” e katalanasve duke shënuar 2 gola. 31-vjeçari fillimisht gjeti rrugën e rrjetës në minutën e 60-të duke ngritur shifrat në 2-1, teksa Almeria gjeti sërish baraspeshën me Gonzalez në minutën e 71-të.
Ndërkohë për golin e fitores mendoi sërish Roberto i cili me golin e realizuar në minutën e 83-të, i siguroi 3 pikë të arta katalanasve.
Kjo ishte fitorja e 11-të në 18 ndeshje për Barcelonën, që ngjitet në kuotën e 38 pikëve, 6 më pak se Girona kryesuese që ka dhe një ndeshje më pak. Ndeshjen e radhës Barcelona e luan në transfertë ndaj Las Palmas.