Kombëtarja e Kosovës sot ka nisur grumbullimin për dy ndeshjet e tetorit.
Kosova fillimisht luan me Lituaninë me 12 tetor ndërsa me 15 tetor ndeshet me Qipron në “Fadil Vokrri”.
Përzgjedhësi i Kosovës, Franco Foda ka folur në konferencën për shtyp ku ka treguar pritshmëritë për këtë ndeshje, shkruan GazetaSport.
Ai ka deklaruar edhe për tre futbollistët e suspenduar, Edon Zhegrova, Arjanet Muriç e Florent Muslija, derisa ka thënë se futbollistët ishin suspenduar me vendim të tij e të mbështetur nga Federata.
Gjatë konferencës ka folur edhe menaxheri i Kombëtares, Bajram Shala i cili ka thënë se është absurde vetëm të mendohet se nënshkrimet e lojtarëve në letrën e kërkimfaljes janë falsifikuar.
“Sot jetojmë në një kohë kur gjitha mundësitë teknike janë të mëdha, si printerë e skanerë. Është vërtetë absurde vetëm të mendohet që nënshkrimet janë falsifikuara, kur dihet se bëhet fjalë për futbollistë që luajnë në Premierligë, Bundesligë e Ligua 1 të Francës. Pra ata janë tejet profesionalë dhe ju mendoni se do të lejojnë një gjë të tillë. Vërtet kjo me befason dhe me duket se disa janë tendencioz me këto gjëra”, ka thënë Shala. /GazetaSport