KB Prishtina ka njoftuar se janë shitur të gjitha biletat për ndeshjen e pestë gjysmëfinale ndaj Trepçës.
“Të gjitha biletat e ndeshjes KB Sigal Prishtina – KB Trepça janë shitur. Faleminderit Prishtinë, faleminderit Plisa!”, thuhej në njoftimin e klubit kryeqytetas.
Shitja e biletave kaq herët tregon se të dielën na pret një atmosferë e jashtëzakonshme.
Ndeshja mes dy rivalëve të vjetër do të zhvillohet të dielën nga ora 17:15 në Pallatin e Rinisë dhe Sporteve.
Kujtojmë se seria gjysmëfinaleve është 2:2 dhe kush fiton të dielën kualifikohet në finalen e madhe.
E në finale do t’i presë Peja që e eliminoi kampionin në fuqi, Yllin.