Ballina-2

    Shkëlqeu ndaj Liverpoolit, Berat Gjimshiti shpallet më i miri në Ligën e Evropës

    Berat Gjimshiti është shpallur lojtari më i mirë i fazës së ndeshjeve të dyta çerekfinale në Ligën e Evropës.

    Kapiteni i Kombëtare së Shqipërisë ishte ndër më meritori që Atalanta siguroi kualifikimin historik, për në gjysmëfinale të kësaj gare.

    Të enjten mbrëma, skuadra italiane u mposht në shtëpi 0:1 nga Liverpooli, por kaloi tutje falë fitores së madhe 3:0 në ndeshjen e parë të luajtur në “Anfield”.

    Pavarësisht humbjes, Gjimshiti regjistroi një paraqitje fantastike. Mes tjerash, ai rikuperoi e 13 topa, bëri gjashtë ndërhyrje dhe kishte saktësi prej 73% të pasimeve.

    Në garën për çmimin e më të miri të këtij raundi, mbrojtësi shqiptar mposhti konkurrencën e Jordan Veretout (Marseille), Gianluca Mancini (Roma) dhe Matej Kovar (Bayer Leverkusen).