Një reagim i dobët i mbrojtësit, Ronaldo Webster, në zonën e 16-të metërshit, i ka kushtuar me humbje kampiones së Maqedonisë së Veriut në futboll, Shkëndijës së Tetovës. Ëebster në tentim për ta larguar topin goditi këmbën e lojtarit kundërshtar, pas së cilës, pas rishikimit të VAR-it, gjyqtari akordoi penallti për Qarabagun. Penalltinë e fituar në gol e shndërroi Toral Bayramov.
Goli i realizuar nga Bayramov në minutën e 18-të ia siguroi fitoren 1:0 kampionit të Azerbajxhanit, Qarabag.
Ndeshja Shkëndija – Qarabag u zhvillua të martën mbrëma në Shkup. Ishte ndeshja e parë e raundit të tretë kualifikues të Ligës së Kampionëve.