Shokuese! Polici godet me grusht dhe le pa ndjenja tifozin në ‘Old Trafford’

Një video shokuese po qarkullon së fundmi në rrjetet sociale, ku duket një polic, i cili godet me grusht dhe hedh përtokë një fans të Charlton, jashtë stadiumit Old Trafford të Manchester United.

Video shokuese tregon fansin duke iu afruar tre oficerëve të policisë, të cilët po shoqëronin një tjetër tiffoz me pranga në duar, por që goditet me grusht nga njëri prej tyre dhe rrëzohet pa ndjenja.

Por, edhe pse tifozi u shemb në tokë, duket se kjo nuk i bëri aspak përshtypje policëve, të cilët e lanë aty ku ishte, edhe pse qëndronte pa lëvizur. Kjo gjë shkaktoi edhe reagimin e dëshmitarëve të shumtë në vendin e ngjarjes.