Mirlind Daku po kalon një sezon fantastik me Mura-n në Slloveni.
Sulmuesi shqiptar shënoi 2 gola në fitoren e fundit të skuadrës së tij në kampionat. Emri i tij përfshihet në 11-shen më të mirë të javës në elitën e futbollit slloven, ku gjithashtu ka marrë edhe vlerësimin si lojtari më i mirë i javës.
Kjo është hera e dytë për të që shpallet lojtari më i mirë i javës në kampionat, ndërsa është hera e 5 që përfshihet në formacionin më të mirë të javës. Ish-futbollisti i Kukësit ka shënuar 13 gola dhe ka dhuruar një asist në kampionatin slloven, ku renditet i dyti në listën e golashënuesëve më të mirë.
