Fisnik Asllani ka shpërthyer të shtunën pasdite në fitoren e skuadrës së Hoffenheimit.
Asllani realizoi dy gola në fitoren 4:2 të Hoffenheimit ndaj Union Berlinit në udhëtim. Kjo ndeshje i takoi javës së tretë të Bundesligës.
23-vjeçari Asllani në minutën e tretë shtesë të pjesës së parë shënoi për 2:0.
Ai u shkëput bukur në zonë për të realizuar gol me kokë pas harkimit të Tim Lemperles.
Sulmuesi kosovar golin e dytë e shënoi në minutën e 52-të nga afërsia.
U paraqit deri në minutën e 66-të dhe ishte prej më të mirëve në fushë.
Reprezentuesi i Kosovës në katër ndeshjet e zhvilluara në të gjitha garat ka katër gola dhe dy asistime.
Ndeshjen te mysafirët e kompletoi mesfushori i ri i Kosovës, Leon Avdullahu. Ndërkohë bashkëlojtari i Asllanit dhe i Avdullahut, Albian Hajdari, u detyrua të zëvendësohet në minutën e 78-të për shkak të një lëndimi.