Llapi dhe Suhareka përballen të premtën në ndeshjen hapëse të xhiros së parë në Albi Mall Superligë.
Do të jetë një duel shumë i fortë mes dy skuadrave nga pjesa e epërme e tabelës.
Trajneri i Suharekës, Shpëtim Duro ka folur fjalë të mëdha për Llapin, por edhe për trajnerin Tahir Batatina të cilin e vlerëson jashtëzakonisht shumë.
Duro ka thënë për Telegrafin se i pret një sfidë e fortë në Podujevë, ndaj Llapit që e vlerëson si një nga skuadrat kryesore në vendin tonë.
“Llapi skuadër shumë e mirë, pasi i njoh pjesën më të madhe të organikës. Skuadër që është një nga skuadrat kryesore të Kosovës në vitet e fundit. Do të jetë një ndeshje shumë e fortë për tu përballur”.
“Llapi ka një trajner që ka bërë shumë mirë me Llapin këto viteve të fundit, trajner që njeh mirë skuadrën e tij dhe gjithë futbollin e Kosovës”, ka deklaruar Duro për Telegrafin
“E parashikoj një përballje shumë të fortë të premten në Podujevë”, përfundoi Duro.