Trajneri i Trepçës ’89, Shpëtim Idrizi është ndarë i kënaqur me paraqitjen e tij ndaj ekipit të Prishtinës, por ka thënë se kanë mundur ta fitojnë ndeshjen. Madje, Idrizi ka shtuar se 89-shi humbi dy pikë ndaj Prishtinës.
Dueli mes Prishtinës dhe Trepçës ’89, përfundoi 2:2 të mërkurën mbrëma në stadiumin “Fadil Vokrri” dhe ishte ndeshje e mbetur e xhiros së nëntë të Superligës së Kosovës në futboll.
“Jam jashtëzakonisht i kënaqur me paraqitjen e ekipit, sidomos pas humbjes nga Malisheva që e pësuam vikendin e shkuar. Ishte një reagim shumë i mirë. Është mëkat që humbëm dy pikë ndaj Prishtinë, pasi patëm epërsinë dhe rastet që i krijuam. Por, jam i kënaqur me pikën e fituar”, tha Idrizi.