Kosova me 26 mars në Bratisllavë do të përballet me Sllovakinë në kuadër të plej offit për Kampionatin Botëror.
Si gjithmonë dardanet në fushë edhe këtë herë nuk do të jenë vetëm. Ata do të kenë mbështetje të madhe nga tifozët shqiptarë që do të vijnë nga anembanë Evropa.
Tashmë te gjitha biletat janë shitur në sektorin që është i rezervuar për tifozët dardanë, shkruan Ballkani.info.
Krejt çka mbetet është një performancë e mirë e yjeve tanë në fushë në mënyrë që t’i afrohemi sa më shumë ëndrrës së madhe, ëndrrës amerikane.
Në anën tjetër trajneri Franco Foda është duke i bërë analizat e fundit para kësaj ndeshje të madhe. Shumica e ftesave janë përgatitur, me shpresë se në ndeshjet e fundit para grumbullimit lojtarët të jenë mirë me shëndet dhe mos të pësojnë ndonjë lëndim që do t’i penalizonte të jenë pjesë e kësaj ndeshjeje të madhe.