Marko Simonovski është duke kaluar në një formë fantastike në këtë fillim të sezonit 2022/23 me fanellën e Dritës.
Forma e tij aktuale ka zgjuar interesimin e Maqedonisë së Veriut, Kombëtare kjo që së fundmi e ka ftuar sulmuesin e Dritës për ndeshjen miqësore ndaj Arabisë Saudite, të cilë e zhvillon më 22 tetor si mysafire.
Gazeta Olle mëson ekskluzivisht se Simonovski e ka refuzuar ftesën e Kombëtares maqedone, pasiqë është i fokusuar në ndeshjet e rëndësishme në Superligë.
Ftesa e fqinjve tanë për 30-vjeçarin përfshin datat 16-23 tetor, pikërisht koha kur skuadra gjilanase zhvillon dy ndeshje ndaj Prishtinës dhe Ferizajt.
Sulmuesi i bardhekaltërve ka vendosur që ftesa të refuzohet në mënyrë që t’i ndihmojë ekipit të tij në këto dy ndeshje në elitën e futbollit kosovar.
Simonovski në 10 paraqitje me Dritën në këtë sezon ka shënuar shtatë gola dhe ka dhuruar një asistim.
Me Kombëtaren A të Maqedonisë së Veriut, Simonovski ka tri paraqitje, teksa është paraqitur gjashtë herë për U19 dhe shtatë paraqitje me U21.