Tenisti italian, Jannik Sinner, ka shënuar fitore bindëse ndaj Novak Gjokoviqit në gjysmëfinale të turneut Grand Slam “Wimbledon”.
Të premten pasdite, italiani 23-vjeçar fitoi 3:0 në sete ndaj tenistit serb.
Dy setet e para Sinneri i fitoi me rezultatin 6:3, duke shfaqur lojë të nivelit të lartë. Të tretin e fitoi me rezultatin 6:4.
Ndërkohë Gjokoviqi ka pasur telashe fizike gjatë ndeshjes.
Në finalen e së dielës, Sinneri takohet me spanjollin Carlos Alcaraz. Alcaraz më herët të premten fitoi 3:1 në sete ndaj amerikanit Taylor Fritz.
Sinner për herë të parë do të paraqitet në finale të Wimbledonit.
Ai ka fituar në Australian Open në vitet 2024 e 2025, ndërsa vjet e fitoi edhe Grand Slamin “US Open”. Në “French Open” është mposhtur në finale më herët këtë vit.
E ndërkohë tenisti serb Gjokoviq mbetet me shtatë tituj të Wimbledonit. As këtë vit nuk mund ta barazojë legjendën Roger Federer që ka tetë.
Te tenistet në finale janë kualifikuar amerikania Amanda Anbisimova dhe polakja Iga Swiatek. Finalja e tenisteve është të shtunën.