Sivasspori, kundërshtari i radhës i Ballkanit në grup të Ligës së Konferencës po kalon nëpër një periudhë aspak të mirë të rezultateve.
Ekipi elitar turk nuk dinë për fitore për 136 ditë në kampionatin elitar të futbollit në Turqi, raporton mediumi turk “hurriyet”, transmeton Demokracia.com.
Sivasspor pësoi humbje 1:2 në shtëpi nga Hatayspori në kuadër të javfës së tetë kampionale në Superligën e Turqisë.
Në 13 ndeshjet e fundit në të gjitha garat, Sivasspori ka shënuar vetëm një fitore.
Triumfi i ekipit turk erdhi pikërisht në Ligën e Konferencës kundër CFR Cluj në kuadër të Grupit G.
Kjo ecuri e Sivassporit mund të jetë sinjal pozitiv për Ballkanin që mund ta shfrytëzoj presionin e skuadrës kundërshtare për të arritur një rezultat pozitiv në takimin e radhës.
Sivasspori dhe Ballkani përballen këtë të enjte me fillim nga ora 18:45 në stadiumin “Yeni Eylul Stadyumu”.
Ballkani ka një pikë në pozitën e tretë në Grupin G, krahas Sivassporit që ka katër pikë në vendin e dytë, aq sa ka edhe Slavia Praha.