Skena të tmerrshme janë parë gjatë ndeshjes mes Portugalisë dhe Sllovenisë në Kampionatin Evropian të Gjermanisë, të cilën portugezi e fitoi pas gjuajtjeve të penalltive.
Gjithçka ka ndodhur jashtë fushës, pra në tribuna, ku ka pasur një konflikt mes disa pjesëtarëve të shërbimit të sigurisë dhe dy tifozëve, transmeton Ballkani.info.
Në një video të shpërndarë në rrjetet sociale, një fans shihet i lidhur për tokë, ndërsa një tjetër goditet keq.
Dy rojet e kanë mbajtur, ndërsa i treti e ka goditur me grusht në kokë dhe kur është rrëzuar kanë vazhduar ta godasin me grusht, madje në një moment e kanë shkelur me këmbë.
Diçka e tillë nuk duhet të ndodhë në ngjarjet sportive, veçanërisht jo në ngjarje aq të mëdha sa Kampionati Evropian.
Më poshtë mund ta shihni videon e përleshjes dhe ju paralajmërojmë se përmban përmbajtje shqetësuese. /GazetaSport