Se vërtetë Rumania u soll në mënyra skandaloze dhe raciste ndaj Kosovës në ndeshjen e 15 nëntorit që u zhvillua në Bukuresht dhe u ndërpre në finish të saj, dëshmon edhe një skenë që cilësohet skandaloze pasi zyrtarët e Federatës së Rumanisë së bashku me trajnerin Mircea Lucescu, largojnë gazetarët rumunë nga konferenca për shtyp të cilën po e mbante Kosova.
E çuditshme ishte fakti se derisa po zhvillohej konferenca, në sallë futet fillimisht një zyrtar i federatës rumune e pastaj edhe trajneri Lucescu, ata qëndrojnë për pak kohë aty, dhe pastaj vendosët t’i largojnë gazetarët rumunë nga salla, shkruan Ballkani.info.
Ishte e qartë se ata po duan të fshehin diçka dhe tensioni i tyre ishte maksimal, çka dëshmon fakti që në fund të konferencës të tentohet të sulmohet futbollisti i Kosovës, Edon Zhegrova, por fal ndërhyrjes së shpejtë të zyrtarëve të FFK-së, u evitua më e keqja.
Nuk kishte ndodhur asnjëherë më parë që një federatë të mos i lejojë gazetarët e vendit të vet ta ndjekin konfernecën e ekipit kundërshtar. /Ballkani.info