Sot zhvillohet njëri prej derbive më të mëdha në futbollin kosovar.
Drita në Gjilan e pret skuadrën më të trofeshme në vend Prishtinën. Të dyja skuadrat përveç cilësisë në fushë ato njihen edhe për mbështetjen e madhe që kanë nga tifozëra, kështu që gjithmonë ndeshjet e tyre kanë zgjuar kureshtje të madhe, shkruan Ballkani.info.
Gjithsesi, viteve të fundit Drita duket më e suksesshme. Në tri ndeshjet e fundit në Superligë, Drita ka dy fitore ndërsa Prishtina një. Megjithatë, të kujtojmë në edicionin e kaluar në garat e Kupës, Prishtina ishte më e suksesshme sesa Drita duke e eliminuar nga kjo garë.
Se si do të jetë këtë herë mbetet të shihet, por sigurt pritet një ndeshje shumë e fortë.
