Sot në Nyon të Zvicrës, do të hidhet shorti për 1/8 e finales në Ligën e Kampionëve, pas përfundimit të fazës së grupeve gjatë javës së kaluar.
Turneu do të rifillojë pas Kupës së Botës, me raundin e 16-të të caktuar për javën e Ditës së Shën Valentinit më 14 shkurt.
Ndërsa shumë festojnë Ditën e Shën Valentinit, tifozët e futbollit do të festojnë rikthimin e kompeticionit më të fortë evropian. Ky vit sjell mundësinë për të parë Kylian Mbappe dhe PSG në Santiago Bernabeu, transmeton Klankosova.tv.
Shorti do të hidhet të hënën, më 7 nëntor, me fillim nga 12:00, në Nyon dhe do të marrin pjesë 16 skuadra që kaluan nga faza e grupeve.
Ky short do të vendosë ndeshjet e fazës së 16-të që do të luhen më 14, 15, 21 dhe 22 shkurt dhe ndeshjet e kthimit më 7, 8, 14 dhe 15 mars.
Ashtu si në fazën e grupeve, skuadrat nga i njëjti vend nuk mund të luajnë me njëra-tjetrën.
Skuadrat e kualifikuara
Nga 16 skuadrat që kanë kaluar, tetë janë të ndara (fituese të grupit), ndërsa tetë skuadrat e tjera janë ato që kanë përfunduar në vendin e dytë në grup.
Vazoja e fituesve të grupit përbëhet nga: Napoli, Porto, Bayern Munich, Tottenham, Chelsea, Real Madrid, Manchester City dhe Benfica.
Në vazon e tjetër: Liverpool, Club Brugge, Inter, Eintracht Frankfurt, AC Milan, RB Leipzig, Borussia Dortmun dhe PSG.
Skuadrat nga i njëjti vend nuk mund të luajnë me njëra-tjetrën në fazën e 16-të dhe ndeshjet duhet të zhvillohen në ditë të ndryshme për shkak të të drejtave televizive. Për shembull, Interi dhe Milani nuk mund të luajnë në të njëjtat ditë ndeshjesh.