Futbollisti kosovar Qendrim Zyba sot ka bërë një hap të madh në karrierë.
Ai është zyrtarizuar të skuadra çeke, Slovan Liberec ku pret të ketë një aventurë të suksesshme.
Zyba menjëherë pas zyrtarizimit atje ka ardhur me një reagim në facebook, ku ka falënderuar skuadrën e Ballkanit për atmosferën por edhe sukseset historike që i patën.
Postimi i Zybës:
Faleminderit klubi im i zemrës, FC Ballkani, faleminderit tifozë fantastikë, Xhebrailat!
Për një futbollist, vetëm veshja e fanellës së klubit që e dashuron, do të thotë shumë, kurse të fitosh aq shumë e të arrish suksese historike me të, është ëndërr e secilit sportist.
Jam shumë i lumtur që kemi përjetuar bashkarisht aq shumë gëzime, suksese e trofe. Uroj nga zemra që ato mos t’i ndalen Ballkanit asnjëherë.
Për mua tani është një periudhë e re, një klub i ri, tek i cili poashtu do ta jap maksimumin e mundshëm, për ta ndihmuar FC Slovan Liberec t’i arrijë objektivat, kurse juve do të ju mbaj në zemër gjithë jetën!
Mirupafshim!????. /GazetaSport