Mediumi i madh anglez, “BBC”, e ka listuar selektorin Gareth Southgate, në mesin e trajnerëve më të mirë që ka pasur Anglia në futbollin e meshkujve.
Vetëm Sir Alf Ramsey dhe Walter Winterbottom me 113 dhe 139 ndeshje respektivisht, e kanë drejtuar Anglinë në 100 e më shumë ballafaqime.
javascript:window[“$iceContent”]
Ramsey vazhdon të mbetet më i suksesshmi në aspektin e trofeve të fituar. Me këtë selektor, Anglia triumfoi në Kupën e Botës 1966. Është i vetmi trofe i fituar nga “Tre Luanët”.
Winterbottom ka më së shumti fitore, 78 gjithsej, kurse Southgate i ka 60 fitore në 99 ndeshjet e para si trajner, shkruan “BBC” të premten. Sir Alf e kryeson listën me 63 fitore nga 100 ballafaqimet e para në krye të përfaqësueses.
Me 60.6 për qind të fitoreve në përgjithësi, Southgate renditet i katërti në mesin e trajnerëve të Anglisë. Fabio Capello është i pari me 66.7 për qind të fitoreve nga 42 ndeshje, ndërsa Ramsey është i dyti me 61.1 për qind.
Në turne madhor, fituesi i Botërorit me “Tre Luanët” ka mesatare prej 66.7 për qind të fitoreve nga 12 ndeshje. Southgate është i dyti me 56.5 për qind të fitoreve, nga 23 ndeshje gjithsej. Ai ka 13 fitore në turne madhor, gjashtë barazime dhe katër disfata.