Për Spanjën, finalja e së dielës ndaj Anglisë do të jetë e pesta në Kampionatin Evropian.
“La Roja” është tri herë fituese, në vitin 1964, 2008 dhe 2012-të.
E ka humbur një finale nga nikoqirja Franca, në vitin 1984.
Spanja mund të bëhet përfaqësuesja e parë që e fiton garën në katër raste.
Në tri finalet e fundit, spanjollët kanë dalë triumfues, përfshirë edhe Kupën e Botës në vitin 2010.
Asnjë skuadër evropiane nuk ka qenë e suksesshme katër herë rresht në finale të Kupës së Botës apo Kampionatit Evropian.