Fitoi çmimin “Golden Boy”, talenti i Barcelonës: Nder, e ka marrë edhe më i miri i historisë

Talenti i Barcelonës, Gavi, sikurse parashikohej, mori nga “Tuttosport” çmimin “Golden Boy”, i cili shpërblen lojtarin e ri më të mirë në Evropë (nën 21 vjeç). Mesfushori spanjoll nuk ka mundur të marrë pjesë në mbrëmjen gala të zhvilluar në Itali, pasi luan nesër kundër Osasunas. Megjithatë, ai foli nëpërmjet një videokonferencë për të falënderuar ata që e votuan.

“Është nder të fitosh çmimin “Golden Boy”. Është një çmim që çdo lojtar i ri dëshiron ta fitojë. Është gëzim i madh, e ka marrë një lojtar dhe një mik si Pedri, si dhe më i miri në histori, Leo Messi”.