Nisin pakënaqësitë tek Shqipëria, ylli i Interi: Nuk e di pse nuk kam minuta te Kombëtarja

Shqipëria del e mposhtur nga miqësorja e luksit në Air Albania teksa sfida me Italinë përfundoi me rezultatin 1-3.

Megjithatë, duhet përmendur se ishte një sfidë të cilën kuqezinjtë e përballuan me dinjitet ndërsa në disa raste iu mungoi edhe fati me Roshin apo Bajramin që u ndalën nga traversa.

E pakënaqësi për mos aktivizim nga minuta e parë ka bërë mesfushori i Interit, Kristjan Asllani, pas ndeshjes.

“Kisha tre muaj që e prisja këtë ndeshje, që kur doli. E prisja ta nisja nga minuta e parë, por nuk ka gjë. Kishim mundësitë tona për të shënuar, nuk ia dolëm. Italia është e fort. Nuk e di pse nuk kam minuta te Kombëtarja, pyesni trajnerin. Rejën e respektoj dhe më respekton, vendimet janë tjetër gjë”.