Shikoni çfarë bën Modriq 45 minuta para seancës stërvitore të Kroacisë. Tifozët të ngazëllyer me të (Foto)

Kapiteni i Kombëtares së Kroacisë, Luka Modriq, ka gëzuar sërish sot tifozët e kombëtares kroate. Si shumë herë më parë i ka mahnitur me profesionalizmin e tij në fushë. Më saktësisht, kësaj radhe, pasi bëhet fjalë për stërvitjen që ka bërë pranë lëndinës dhe ka shkaktuar komente të shumta pozitive në rrjetet sociale, transmeton Gazeta Sport.

Kujtojmë se mëngjesin e djeshëm Kroacia mbërriti në Katar nga Arabia Saudite dhe u vendos në hotelin Hilton Doha. Ajo do të jetë gjithashtu baza nga ku lojtarët do të udhëtojnë në ndeshje. Ndërsa gjashtë anëtarë të kombëtares u ngrohën duke luajtur futboll me vajzat vendase nga akademia e PSG-së, Luka Modriq bëri stërvitje individuale.

Ai e nisi atë edhe 45 minuta para fillimit të stërvitjes zyrtare të kombëtares kroate dhe tregoi edhe një herë pse edhe në moshën 37-vjeçare është në krye të botës si kryesues i mesfushës së Real Madridit dhe Kroacisë. /Gazeta Sport/