Presidenti i PSG-së: E konfirmoj një mijë herë që Messi është shumë i lumtur në PSG

Nasser Al Khelaifi ka folur për të ardhmen e Leo Messit, me presidentin e Paris Saint-Germainit i bindur se superylli argjentinas do të qëndrojë në klubin francez.

“Unë konfirmoj një mijë herë se Leo Messi është shumë i lumtur me PSG. Unë mendoj se ai dëshiron të qëndrojë,” tha shefi i klubit parizian për RMC.

“Do të diskutojmë pas Kupës së Botës”, shtoi ai.

Messi këtë të diel mund të shpallet kampion bote për herë të parë me Albiceleste.

PSG -ja ka besim se ai mund të performojë në një nivel të lartë edhe për disa sezone të tjera, pavarësisht se tashmë po i afrohet 36-vjeç.

Argjentinasi është nën kontratë deri në vitin 2023 dhe ideja do të ishte që të paktën të zgjatej marrëveshja deri në vitin 2024.