Bekim Balaj rikthehet te Vllaznia

Vllaznia është përforcuar me reprezentuesin e Kombëtares së Shqipërisë, Bekim Balajn.

Klubi nga Shkodra njoftoi këtë të shtunë për arritjen e marrëveshjes me sulmuesin, që padyshim se është një prej transferimeve më të mëdha në futbollin shqiptar.

Balaj me Vllazninë ka nënshkruar kontratë të vlefshme për 3 sezone. Ai klubit nga vendlindja e tij iu bashkua si lojtar i lirë, pasi shkëputi kontratën me klubin turk, Ankara Keciorengucu.