FOTO| Kapiteni i Milanit vuan dështimin në derbi, struket i dëshpëruar në pankinë

Goli spektakolar i Lautaro Martinez në minutën e 77-të solli edhe kapitullimin e Milanit në Rijad, teksa menjëherë pas festës zikaltër, trajneri Stefano Pioli zëvendësoi kapitenin Davide Calabria me amerikanin Sergino Dest.

Lideri i prapavijës kuqezi u shfaq mjaft i dëshpëruar në pankinë, teksa fillimisht kamerat e fokusuan duke mbuluar sytë dhe pak minuta më vonë, me kokën e mbuluar me kapuçin e xhupit.

Përjetimi i një humbjeje në derbi është gjithmonë i keq dhe bëhet më e vështirë kur gjithçka ndodh në një finale Superkupe dhe me një lojtar si Calabria, që është milanist i lindur, që luan me shiritin e kapitenit.